Нагадаем першыя радкі біяграфіі:

Аляксей нарадзіўся 5 лютага 1983 годаУ 2023 яму магло б споўніцца СОРАК гадоў. Давайце згадваць яго 5 лютага добрым словам. Дзякуй.

Атрыманы першы водгук на электронную скрыню. Дзякуй Вам, Вікторыя, за Вашы цёплыя словы: "Лёша заўжды жыў з адкрытым і чулым да свету сэрцам, гэта дзіўная здольнасць... Дзякуючы ёй мы ўсё адчувалі яго клопат, увагу і неабыякавасць. Самая светлая і добрая памяць пра Лёшу, і падзяка, за усё, што ён зрабіў".

Паколькі гэтае першае інтэрв'ю дасланае на наш сайт, яно застанецца на галоўнай старонцы.

Сёння мы дзелімся разважаннямі АЛЕКСЕЯ СТРЭЛЬНІКАВА - Алексей Стрельников (Alexey Strelnicov) – тэатральнага крытыка, менеджара, кандыдата мастацтвазнаўства, члена журы WriteBox у намінацыі "Новая п'еса".

– Як распазнаць добрую драматургію?

– Для мяне крытэр якасці п'есы – гэта спектакль. Калі з гледачом на спектаклі нешта адбываецца, калі акцёру ў спектаклі цікава, калі рэжысёр патраціўся, каб арганізаваць тэатральнае дзейства, значыць драматург добра папрацаваў.

Самыя цікавыя п'есы – народжаныя ў рэпетыцыях і супрацоўніцтве з рэжысёрам, акцёрамі, мастаком, кампазітарам, героямі (напрыклад, у дакументальных п'есах – заўв. WriteBox). Чым складаней вызначыць, хто менавіта аўтар, тым цікавей. Тут можа быць складанасць, што гэты досвед нельга будзе перанесці ў іншыя ўмовы (у іншы тэатр, з іншымі акцёрамі). Але гэта прыемная складанасць.

- Назавіце п'есу з усіх гадоў WriteBox, якую б вы назвалі лепшай. Чаму?

- Я назаву "Усё нармальна" Улады Хмель, таму што вельмі многія канфлікты і праўды цяперашняга дня знайшлі там для мяне сваё дакладнае і вычарпальнае ўвасабленне. Вельмі проста напісаная, на простую тэму, але ў гэтай кроплі вады адбіваецца свет. Хаця вымушаны абмовіцца, што для мяне прынцыпова шматгалоссе беларускай драматургіі. Тое, што ў нас у якія-то павекі няма галоўнага драматурга зямлі беларускай з адзінай самай лепшай п'есай, я лічу дасканалым шчасцем.

Даслана ад:

тэатразнавец, кіраўнік конкурсу-фестывалю
"WriteBox"
Вікторыя Белякова